WebMail

Sherbimet

Qasje në Binar

Qasja në Infrastrukturën hekurudhore të Republikës së Kosovës është rregulluar me Ligjin për Hekurudhat në Republikën e Kosovës Nr. 04/L – 063 të miratuar më 14.11.2011 dhe të akteve nën ligjore të mbështetura në këtë ligj dhe aktet tjera të BE-së. Ekspozeu mbi Rrjetin i INFRAKOS-it shërben si udhërrëfyes për operatorët hekurudhor të cilët paraqesin aplikimet për ndarjen e kapaciteteve të infrastrukturës.

Kushtet e përgjithshme për qasje

Menaxheri i Infrastrukturës të Hekurudhave të Kosovës ShA – INFRAKOS si administrues i infrastrukturës e lejon qasjen në infrastrukturën hekurudhore për të cilën Menaxheri i Infrastrukturës të Hekurudhave të Kosovës ShA dhe operatorët hekurudhor, lidhin kontratë për pagesat e qasjes. Kontrata për pagesat e qasjes rregullon marrëdhëniet, të drejtat, obligimet, saktëson kapacitetet e ndara, lartësinë e detyrimeve për shfrytëzimin e infrastrukturës hekurudhore dhe çështjet tjera në lidhje me garantimin e sigurisë së transportit dhe mbrojtjen e ambientit.

Menaxheri i Infrastrukturës të Hekurudhave të Kosovës ShA, lejon qasjen në infrastrukturën hekurudhore për të gjithë operatorët hekurudhor të cilët kanë licencë dhe certifikatë valide të sigurisë.

  • Është i regjistruar

    Në kohën e paraqitjes së aplikimit është i regjistruar për kryerjen e shërbimeve të transportit hekurudhor.

  • Licencë valide

    Ka të lëshuar licencën valide për ndërmarrjen hekurudhore të lëshuar nga autoriteti kompetent.

  • Certifikatë e sigurisë

    Ka certifikatë të vlefshme të sigurisë të lëshuar nga autoriteti kompetent.

Infrastruktura e menaxhuar nga Infrakos-i

Informatat mbi infrastrukturën hekurudhore janë prezantuar në Ekspozeun e Rrjetit bazuar në dukuritë të cilat kanë qenë të njohura në momentin e hartimit të Ekspozeut të Rrjetit. Të gjitha ndryshimet të cilat paraqiten pas hartimit do të azhurnohen në të ardhmen.

  • Rrjeti Hekurudhor

    Gjatësia e përgjithshme e rrjetit 335.079 km.

  • Kufijtë

    Infrakos menaxhon rrjetin hekurudhor brenda territorit të Republikës së Kosovës, përfshirë pikat kufitare.

  • Lidhja e rrjetit hekurudhor

    Rrjeti i Hekurudhave të Kosovës është i lidhur me dy shtete: Maqedoninë e Veriut dhe Serbinë.

Dokumenti kryesor

Qasja në binar

Për informata të detajuara mbi kushtet e qasjes, tarifat dhe kapacitetet, shkarko dokumentin e Qasjes në binar.

Shkarko dokumentin